Música no claustro

DOMINGO 30.NOV.25, 17h30 ✦ SARA AREAL E SAMUEL DIZ: Concerto centenario

Catedral de Tui

Domingo, 30 de novembro, 17h30

Entrada libre

CONCERTO CENTENARIO

Os músicos tudenses Sara Areal e Samuel Diz lideran o concerto de apertura do oitavo centenario da consagración da Catedral de Tui acollendo a intérpretes e compositores de Europa e América. Un diálogo que parte do legado de San Telmo na illa de Porto Rico, coa interpretación de Os fogos de San Telmo de Hermelindo Ruiz Mestre, nunha formación de cámara baixo a batuta do recoñecido mestre portorriqueño Roselín Pabón.

Unha celebración musical a través dos séculos, coas Sonatas da Chiesa para trío de cordas do compositor barroco Arcangelo Corelli e a aria festiva «Laudamus te» da Gran Misa en Do menor, K.427, de W. A. Mozart na voz da soprano Elsa Roldán.

Este aniversario motiva a nova creación de Fernando Buide del Real, un dos compositores máis destacados e activos da escena contemporánea. Catedral atlántica é o título desta partitura para violín e guitarra, unha estrea absoluta a cargo de Sara Areal e Samuel Diz que abre unha conmemoración histórica que nos remonta ao 30 de novembro de 1225.

Sara Areal, violín

Diana Poghosyan, violín

Luigi Mazzucato, viola

Raúl Mirás, violonchelo

David Collazo, percusión

Elsa Roldán, soprano

Hermelindo Ruiz Mestre, guitarra

Samuel Diz, guitarra

Roselín Pabón, dirección

PROGRAMA

Arcangelo Corelli (Italia, 1653 - 1713)

Sonata da Chiesa, Op. 3, núm. 2

I.- Grave

II.- Allegro

III.- Adagio

IV.- Allegro

Arcangelo Corelli

Sonata da Chiesa, Op. 1, núm. 3

I.- Grave

II.- Allegro

III.- Adagio

IV.- Allegro

Fernando Buide del Real (Santiago de Compostela, 1980)

Catedral atlántica, para violín e guitarra. Estrea absoluta

I.- Ocaso

II.- Nocturna

III.- Albor

W. A. Mozart (Austria, 1756 - 1791)

Gran Misa en Do menor, K.427

«Laudamus te». Elsa Roldán (soprano)

Hermelindo Ruiz Mestre (Porto Rico, 1987)

Os fogos de San Telmo, concerto para dúas guitarras e ensemble

I.- Maestoso, ano 1503

II.- Padroeiro dos mariñeiros

III.- Tormenta e canto medieval da Catedral de Tui

IV.- Ás pontes de San Telmo

V.- Os fogos de San Telmo

· · ·

Beatriz Fontán, produción

Mar Font, produción

Isaac Palacín, son

Gore Vázquez, foto

Concerto organizado polo Concello de Tui

Agracemento á mecenas portorriqueña Laura Saavedra de Carro no seu compromiso e apoio na creación e difusión da obra Os fogos de San Telmo.

Unha conmemoración histórica: 800 anos da Catedral de Tui

VENRES 1.AGO.25 ✦ MÁRIO LÚCIO ··· Músicas dende Cabo Verde

Concerto no claustro medieval da Catedral de Tui, 21h.

Entrada libre por orde de chegada, sen reserva previa.

Apertura de portas 20h45

✦ Venres, 1 de agosto, 21h

Músicas dende Cabo Verde

Concerto

✦ Sábado, 2 de agosto, 12h30

Identidades: Mário Lúcio dialoga co xornalista José Font

Conversa na fachada románica da Catedral

MÁRIO LÚCIO

O escritor, pensador, cantante e compositor Mário Lúcio abre Música no Claustro 25. Un concerto íntimo de músicas caboverdianas, como a morna, a funaná, o batuque ou a coladeira, ritmos presentes na súa traxectoria musical no grupo Simentera (1992-2004), ao carón da Orquestra Gulbenkian ou a só, formato elixido para celebrar recentemente o seu 60 aniversario.

Mário Lúcio é unha das voces máis recoñecidas da súa xeración, autor dunha extensa discografía, libros de poesía, narrativa e obras teatrais. No seu ensaio Manifesto a Crioulização (Universidade de Coimbra, 2021) defende o „xurdimento incesante de novas identidades" no que „a condición esencial é ollar para o que nos diferencia e simultaneamente para o que nos asemella. É certo que a semellanza presupón a diferencia, pero tamén pode ser o único trazo que nos distingue".

Graduado en Dereito pola Universidade da Habana, Mário Lúcio desenvolve un activo e longo compromiso político e social. Entre 2011 e 2016 foi o Ministro de Cultura de Cabo Verde, illa que conmemora na actualidade o 50 aniversario da súa independencia, tema central do seu último traballo discográfico Independance (Marémusica, 2024) ···

SÁBADO 2.AGO.25 ✦ JOUSKA STRING QUARTET ··· Música de cámara: Cuartetos de Mozart e Schumann

Concerto no claustro medieval da Catedral de Tui, 21h.

Entrada libre por orde de chegada, sen reserva previa.

Apertura de portas 20h45

✦ Sábado, 2 de agosto, 21h

Obras de Mozart e Schumann

Música de cámara: cuartetos de corda

JOUSKA STRING QUARTET

Tras o concerto de apertura do caboverdiano Mário Lúcio, Música no Claustro 25 achégase ao canon da música clásica europea cos cuartetos de corda de Mozart e Schumann.

Con sede en Basilea, Suíza, o Jouska String Quartet está conformado pola violinista italiana Alice Tomada e a madrileña Sofía Fasla-Prolat, a violista catalá Marina Prat Mir e o violoncellista madrileño Kiril Fasla-Prolat. En 2024 recibiron o Café Bauhaus Award, un recoñecemento outorgado pola European Union Youth Orchestra co patrocinio da Comisión Europea, que ten por obxectivo conectar a interpretación musical de excelencia con temas contemporáneos como o cambio climático, a sustentabilidade, a igualdade de xénero, a diversidade, a equidade e a inclusión.

Na presente tempada, o Jouska String Quartet foi seleccionado pola Sociedade de Artistas, Intérpretes ou Executantes (AIE) para o seu circuíto estatal de música clásica. O compromiso real de Música no Claustro coas novas xeracións fixo do festival sede deste programa no que en edicións anteriores actuaron o Moser String Quartet, o percusionista Diego Casado, a formación de música antiga Serendipia Ensemble, a clavecinista Inés Moreno, o cuarteto de saxofóns Kebyart Ensemble ou Nikola Tanaskovic, acordeonista serbio que posteriormente gravaría no claustro medieval da Catedral de Tui o seu disco Omnia Ubique (Poliédrica 2019) co apoio das Axudas INJUVE á Creación Xoven ···

PROGRAMA

Wolfgang Amadeus Mozart (Salzburgo 1756 - Viena 1791)

Cuarteto K. 421, no.15, en Re menor

I.- Allegro

II.- Andante

III.- Minueto-Trío. Allegretto

IV.- Allegro ma non troppo

Robert Schumann (Zwickau 1810 - Bonn 1856)

Cuarteto Op.41, no.1

I.- Introduzione. Andante espressivo - Allegro

II.- Scherzo. Presto - Intermezzo

III.- Adagio

IV.- Presto

Valentin Silvestrov (Kiev, 1937)

Icon

DOMINGO 3.AGO.25 ✦ GABRIELA GIMÉNEZ ··· Flamenco de raíz

Concerto no claustro medieval da Catedral de Tui, 21h.

Entrada libre por orde de chegada, sen reserva previa.

Apertura de portas 20h45

✦ Domingo, 3 de agosto, 21h

Flamenco de Raíz

Coa participación de Antón Giménez

GABRIELA GIMÉNEZ

A cantaora Gabriela Giménez presenta en Música no Claustro o seu primeiro espectáculo „Flamenco de Raíz", un diálogo entre o antigo e o novo, unha conversación entre o pasado e o recente nun formato íntimo ao carón do guitarrista Antón Giménez.

Gabriela Giménez naceu en Madrid en 2003 e é a artista máis nova que actúa en Música no Claustro 25. Recentemente gañou o segundo premio no Concurso Nacional de cante "Canto de Ouro" de Tres Cantos e actuou no festival Suma flamenca Joven nos Teatros del Canal. É herdeira dunha tradición musical familiar, herdanza umbilical que recibiu a través do baile da súa nai, Estefanía Palacio, e o toque na guitarra do seu pai, Antón Giménez.

O recital do Jouska String Quartet e este concerto conforman o programa impulsado pola Sociedad de Artistas, Intérpretes ou Executantes (AIE) en Música no Claustro, neste caso na presentación de novos nomes da escena flamenca, como anteriormente desfrutamos das cantaoras Laura Marchal ou Ángeles Toledano. ···

LUNS 4.AGO.25 ✦ MARÍA TORO. Cuarteto Jazz ··· „Mestura"

Concerto no claustro medieval da Catedral de Tui, 21h.

Entrada libre por orde de chegada, sen reserva previa.

Apertura de portas 20h45

✦ Luns, 4 de agosto, 21h

Mestura

Coa participación de Toño Miguel (contrabaixo), David Sancho (piano e teclados) e Andrés Litwin (batería)

MARÍA TORO

Mestura é o novo traballo da frautista María Toro, unha conversa entre o jazz, o flamenco, a música popular brasileira e o folclore de Galicia. Unha unión de culturas, un berro universal dende a raiceira.

Unha travesía que comeza na súa Galicia natal e percorre identidades e vivencias persoais en Madrid, Suíza, Nova York ou Rio de Janeiro. Unha encrucillada de culturas na que conta coa participación de Toño Miguel ao contrabaixo, David Sancho ao piano e teclados, e Andrés Litwin á batería.

Música no Claustro presenta un adianto deste traballo discográfico en formato cuarteto, tras a súa recente presentación na Sala Villanos de Madrid e a estrea completa no Teatro Colón da Coruña a finais de ano. Un concerto que se suma á estima de artistas que teñen confiando no festival como punto de partida de novos proxectos: dende Galicia con Faia e Bleuenn Le Friec, Anxo Pintos e Begoña Riobó, Germán Díaz e Benxamín Otero, ou aCadaCanto, así como o adianto na pasada edición do novo traballo discográfico do Trio da Kali de Mali···

MARTES 5.AGO.25 ✦ RAQUEL AREAL ··· De Tui á Berliner Philharmoniker

Concerto no claustro medieval da Catedral de Tui, 21h.

Entrada libre por orde de chegada, sen reserva previa.

Apertura de portas 20h45

✦ Martes, 5 de agosto, 21h

Concerto

Coa participación da pianista Karla Martínez Rabanal

✦ Mércores, 6 de agosto, 12h15

Foro profesional de artesanía e instrumentos musicais Resonancias®

Conversa con María Casado, coordinadora do programa MUSAE de música nos museos do Ministerio de Cultura. Actividade baixo inscrición

RAQUEL AREAL

En xaneiro de 2025, a violinista tudense Raquel Areal gañou praza na Filharmónica de Berlín. Un fito da música en Galicia, ao converterse na primeira persoa de orixe galega en alcanzar este logro. Un éxito acadado aos 25 anos que se suma a una sólida traxectoria que comezou na Escola de Música de Tui.

Hoxe, Raquel Areal regresa a Música no Claustro para ofrecer un concerto ao carón da pianista cubana Karla Martínez Rabanal cunha selección de pezas que nos achegan ao París da primeiras décadas do século XX con obras de Lili Boulanger, Claude Debussy ou Maurice Ravel. En paralelo, una visión transatlántica co arxentino Astor Piazzolla, a estadounidense Amy Beach ou a cubana Gisela Hernández, unha das compositoras que formou parte do Lyceum Club de La Habana, institución clave no desenvolvemento de oportunidades para as mulleres en Cuba na que tamén destacou a galega María Muñoz de Quevedo.

Karla Martínez Rabanal (La Habana, 1988) é profesora no Real Conservatorio Superior de Música de Madrid, onde compaxina a docencia coa súa actividade artística. En 2022 publicou o disco Cuba: piano contemporáneo (Calle 440) ···

PROGRAMA

Lili Boulanger (París, 1893 ··· Mézy-sur-Seine, 1918)

Nocturne

Claude Debussy (Saint-Germain-en-Laye, 1862 ··· París, 1918)

Sonata para violín y piano en sol menor, L.140

I.- Allegro vivo

II.- Intermède: Fantasque et léger

III.- Finale: Très animé

Serguéi Prokófiev (Sontsivka, 1891 ··· Moscú, 1953)

Sonata no.2 para violín e piano, Op.94bis: Presto

Astor Piazzolla (Mar de Plata, 1921 ··· Buenos Aires, 1992)

Historia del tango: Café 1930

Gisela Hernández (Cárdenas, 1912 ··· La Habana, 1971)

Toque de clave

* Solo de piano

Amy Beach (New Hampshire, 1867 ··· Nova York, 1944)

Romance Op.23

Maurice Ravel (Ciboure, 1875 ··· París, 1937)

Tzigane M.76

MÉRCORES 6.AGO.25 ✦ CLARA PEYA ··· „Solilòquia"

Concerto no claustro medieval da Catedral de Tui, 21h.

Entrada libre por orde de chegada, sen reserva previa.

Apertura de portas 20h45

✦ Mércores, 6 de agosto, 21h

Solilòquia

Piano

CLARA PEYA

Clara Peya é unha pianista e compositora catalá en procura continua dunha identidade propia, dunha música comprometida que fai caer calquera barreira. Sen renunciar a nada, a artista defende que a arte é a ferramenta máis poderosa de transformación social que existe.

Música no Claustro acolle a presentación en Galicia do seu novo álbum Solilòquia (Allau 2025). Un traballo íntimo, no que explora o encontro con ela mesma, a música coma terapia de saúde mental, co silencio fronte á „sobreestimulación de información, de cousas que nos perdemos, somos 'multitarefa' para chegar a fin de mes e acabamos estando medio presentes nos lugares, cando o aquí e o agora é o único que temos" (El Periódico, 21 de abril de 2025).

A improvisación é unha das linguaxes nas que Clara Peya se atopa cómoda, expandindo a súa música a numerosas colaboracións con artistas, unha ampla nómina na que nos quedan moi próximos os discos Inmersion (2019) ou Roibén (2022) de Guadi Galego.···

XOVES 7.AGO.25 ✦ MON-PUO ··· Solo de violoncello: Kodály, Cassadó e improvisacións

Concerto no claustro medieval da Catedral de Tui, 21h.

Entrada libre por orde de chegada, sen reserva previa.

Apertura de portas 20h45

✦ Xoves, 7 de agosto, 21h

Solo de violoncello

Obras de Kodály, Cassadó e improvisacións

MON-PUO

Fillo dunha familia de artistas de Taiwán, Mon-Puo naceu en Madrid e na actualidade reside en Berlín. A través do seu instrumento, o violoncello, Mon-Puo reflexiona sobre a súa identidade, sobre a procura dunha orixe verdadeira, dunha esencia que debe aprender a cambiar de forma nun mundo que xamais deixa de transformarse. Virtuosismo e creatividade que mergullan na idea da repetición na arte como resposta, e través dela buscar o sinxelo no complexo e o cotiá.

Cunha formación exquisita, Mon-Puo gañou concursos en Corea do Sur, Rumanía, Austria, Letonia, Armenia ou China. En resposta ao seu talento e as súas contribucións á música clásica foi recoñecido como „Embaixador de Cultura" de Taiwán.

Mon-Puo pecha Música no Claustro 25 cun solo de violoncello no que explora a Sonata en Si menor, Op.8 de Zoltán Kodály (Hungría, 1882-1967) ou a Suite para cello solo de Gaspar Cassadó (Barcelona, 1897 - Madrid, 1966), en paralelo a improvisacións e melodías que convidan a reflexionar de forma conxunta sobre o valor e riqueza das identidades ···

Actualizadión: 7 de agosto