Artesanía en Familia son obradoiros deseñados para que as familias participen xuntas en actividades artesanais. Isto non só axuda a fomentar a corresponsabilidade e a igualdade de xénero, senón que tamén permite ás familias gozar de tempo de calidade e desenvolver novas habilidades.
ESTAMPAXE CREATIVA
Luns, 5 de agosto,
Grupo 10h30 PRAZAS COMPLETAS
Grupo 11h45 PRAZAS COMPLETAS
Grupo 13h PRAZAS COMPLETAS
Construción dun selo e estampaxe creativa en caderno e libretiña de sementes. Baixo o lema Catedral Atlántica da 18º edición de Música no Claustro, as persoas participantes traballarán motivos do mar, do río e da vexetación autóctona, integrando o pórtico da Catedral. Cada persoa levará o seu selo, o caderno e a libretiña de sementes que poderán plantar na súa casa. Todos os selos están montados sobre madeira e feitos de forma artesanal.
CONSTRUCIÓN DE PANDEIRETA
PRAZAS COMPLETAS
Martes, 6 de agosto. Obradoiro de 8 horas de duración: de 10h a 14h e 16h a 20h
Construción dunha pandeireta a partir dunha peneira, como se facía antigamente, co artesán O Reberete. As persoas incritas empregarán latas de aceite ou conserva para facer as ferreñas manualmente, para logo colocalas con arame no bastidor. Farán costura coa pel que despois colocarán co mesmo ariño da peneira.
OBRADOIRO MUSICAL DE INICIACIÓN Á PANDEIRETA
PRAZAS COMPLETAS
Mércores, 7 de agosto. Obradoiro de 2 horas de duración: de 11h a 13h
Uxía Diz impartirá un obradoiro de iniciación de pandeireta onde as persoas poderán achegarse ao son deste instrumento tradicional de Galicia. Ademáis das persoas que estiveron a traballar no obradoiro de construción, esta clase está pensada para acoller a outras persoas interesadas en dar os seus primeiros pasos coa pandeireta.
