Concerto no claustro medieval da Catedral de Tui, 21h.
Entrada libre por orde de chegada, sen reserva previa.
Apertura de portas 20h45
Domingo, 4 de agosto, 21h
Hiru
Jazz
Entre Canarias e Galicia
TANA SANTANA QUINTETO
O compositor e contrabaixista canario Tana Santana presenta en Música no Claustro o disco HIRU, o seu terceiro traballo discográfico. Composicións orixinais que canalizan a tradición e a improvisación do jazz a través de músicas tan dispares como o propio jazz, o rock, o pop ou a música folclórica canaria. En HIRU, Tana Santana desenvolve un concepto musical que trata de esquecer os límites estilísticos co obxectivo de buscar unha identidade que redefina o jazz dende o prisma da cultural popular actual.
Grazas ao convenio con AIE, Tana Santana chega ao festival ao carón de destacados nomes do jazz estatal, músicos que ao mesmo tempo o acompañaron no proceso de gravación do disco: o saxofonista abulense Roberto Nieva e o batería barcelonés David Xirgu, xunto aos galegos Xan Campos no piano e Virxilio da Silva na guitarra.
Hoxe, deixemos voar a imaxinación: atracamos no porto de Las Palmas de Gran Canaria e paseamos pola rúa Triana que conecta o barrio de Vegueta, coa súa característica arquitectura colonial, coa praza de san Telmo, testemuña do legado atlántico que une a Tui con Canarias.
